Kous yol / Jean-François LIENAFA
Twel
pou fè vwel
Van pou
pran balan
Kous yol sé pa kous pawol
badjolè épi prélè gran djol
gro majol ki ka yen ki fè wol.
Fok jeté bon zié
pou pa chalviré
pas bouden kanno ki toujou wouvè
paré pou risouv rè dlo tout lè.
Ou pou fè plis ki sa ou pé fè,
pies lanm lanmè
pa pou fè’w pè.
Sé la ou ka wè
sa ki ni lestonmak fouyapen,
yanm, dachin oben tinen.
Kous yol sé pa kous djendjen
pou moun ki ni mal ren,
fok ni bon janm, bon bra, bon tet,
menm si, pou sipòtè dèyè
ki pa ka soufè,
sé toujou an bel lafet…
